Kahin Mile toh Usse Kehna

Waade bahot kiye the tujhse,

Koi bhi pura nahi kar saka mein,

Koshishein puri ki thi mene,

Par koi koshish puri nahi kar saka mein,

Tujhe khush rakhne ka waada kar,

Teri hassi ka qatil bana me,

Unn yaadon me jeeta hun,

Jinme me tera na ho saka me,

Waqt ke harr pal badalne se pareshaan hun,

Fir bhi har lamha teri yaad me bita raha hun me,

Kahin mile toh usse kehna,

Harr waada nibha raha hun me.

Kehna toh bahot kuch hai,

Par magar me keh nahi pata,

Mohabatton ka tufaan sama hai mujhme,

Magar me jataa nahi pata,

Tere darwaze pe baitha rehta hun,

Na jaane tu kab laut aae,

Nahi aaegi yeh janta hun,

Par dil yeh samjh nahi pata,

Dil ke lagataar dhadkne se pareshaan hun,

Fir bhi har dhadkan tere naam sajha raha hun me,

Kahin mile toh usse kehna,

Har waada nibha raha hun me.

Unn rasto pe chalta hun,

Jinpe teri yaad basti hai,

Jinpe teri muskurahat,

Aur teri chaal ki masti hai,

Dua karta hun ki aaj tujhe dekh saku,

Chahe door se ek jhalak hi sahi,

Kyunki meri duniya thamb jati hai

Jab tu hasti hai.

Sadkon ke yunn achanak mudne se pareshaan hun,

Fir bhi har mod pe tera naam daura raha hun me,

Kahin mile toh usse kehna

Harr waada nibha raha hun me.

Chahe samundrah tere pair chuhe,

Maaf tu mujhe kabhi karegi nahi,

Galti meri thi me janta hun,

Par kya ek kadam bhi tu chalegi nahi?

Tere liye me milon bhaga hun,

Harr cheeze chod di jo mujhe pyaari thi,

Ek baar mujhse baat toh karle,

Meri ruh itni jalegi nahi,

Aatmao ki yeh gazab mulakaat se pareshaan hun,

Fir bhi teri naarazgi ki wajha raha hun me,

Kahin mile toh usse kehna,

Harr waada nibha raha hun me.

If you liked this post then,

Like and share

Support my movement #makeherlisten Here.

Find my other blogs Here

Follow me for more updates Here
Buy my Work The First Crush at 13 Here(International) and Here(India)

And connect with me on Facebook, Twitter (@SunainBanga), Google+, Instagram